പച്ചക്കല്ല് മൂക്കുത്തി

 

നളിനകാന്തി നിറഞ്ഞുനില്ക്കുമാ-

താരകം വിടരും മുഖശ്രീയിൽ

പച്ചക്കല്ലുകൊണ്ടാജീവൻ തുടിക്കു-മാക്കാഞ്ചന കൂട്ടുമായെപ്പോഴും നീ.. 

വിടർന്ന നെറ്റി, കറുത്ത പൊട്ടു-

മായഴിഞ്ഞ കേശമാടുന്നവേളയിൽ

ഏകാകിയായ് നീയിരിപ്പിലും

ചാരുതയേറ്റുന്നാ നാസികയെ.... 

എൻപ്രിയ തോഴിയേച്ചന്തം കൊണ്ടാ-

യിരം ചന്ദ്രികത്തിളക്കമേകി നീ

സ്നേഹത്തിൻ ബന്ധിതയ്യായെപ്പോഴും

നിൽപ്പൂ നീ, പച്ചക്കല്ലിൽ തീർത്ത

മൂക്കുത്തി കുറുംമ്പത്തീ......!

കതിരേഷ് പാലക്കാട്